Pika-Chu

<font color="#F26C4E">»•|| مـــــــراقب ||•«</font
تاماشي
0
السلام عليكم ورحمة الله وبركاته
بما اني ملان فقلت اسوي خير و افتح موضوع هني واحرك منتدى الفيديوجيمز <--- ادري اني ملاك فديتني :zx:
بما ان الموضوع نقاش عام عن الفيديوجيمز فخلوني افتح سالفة
شو الألعاب اللي تلعبها في الوقت الحالي او انهيتها في الفترة الأخيرة ؟ ، وياريت تعطينها انطباعك عنها ^^
عن نفسي هالفتره طايح على ألعاب الأدفانس الي فاتتني مثل

Kingdom Hearts: Chain of Memories
طبعاً بديت ألعبها بعد ما فقدت الأمل في ان سكوير تنزل النسخه الـ3D أمريكية >.>
بس ممكن العب النسخه اليابانيه بعد ما اخلص نسخه الادفانس واعرف القصه عدل ^^
بس صراحه نسخه الأدفانس ما توقعتها بهذي الروعه ، ما تصدق ان هالجرافيكس على الأدفانس ، شغل متعوب عليه ما شاء الله ~

The Legend of Zelda: The Minish Cap
انا زلدا فان بس ما عطي اجزاء الـ2 دي وايد ويه ، فما لعبتها إلا يوم حصلتها معربة كامل من فريق اكسترا (يزاهم الله خير على الشغل الحلو )
بس بعد ما لعبتها اكتشفت اني غلطاااااااااااااان ، وزلدا مهما كانت تضل حلوة
يعني صدق هالجزء عيبني وايد ، احس فيه افكار وألغاز صعبه ، مب مثل جزء الـDs و الـWii اللي كانو وايد سهلين وألغازهم بسيطه >.> ( بس مع هذا كلهم حلوين بالنسبه لي ^^*
واللي محلنها زياده انها بالعربي كامل ، طعم ثاني الصراحة ^^

Ninja Giden : Sigma
بصراحة هاللعبه ما تستحق مديح الناس والمواقع أبداً ، لعبه عادية لأبعد الحدود ~_~
واللي مبيخنها انها صعبة بشكل كبير لو قارنها بـ DMC و GOW
اذا في حد فان لهالعبه في هذا المنتدى خله يخبرني شو اللي عايبنه فيها @@؟
ما بقول انها لعبه مغامرات من الفئة الرخيصة بس اشوفها وايد عادية ، ممكن الجرافيكس عالي الجودة بس الجيم بلاي عادي جداً ، تقريباً وصلت 80% منها ووقفت بحاول اكملها لو فضيت

المهم مافيني اخربط وايد على عمري وما احصل حد يناقشني ، نشوف تفاعلكم ونكمل عن الألعاب اللي انهيتها في الفترة الأخيرة
 

Super Shadow

»•|| إدارة عامة ||•«<
طاقم الإدارة
تاماشي
21
و عليكم السلام و رحمة الله و بركاته

ثانكس بيكا على الموضوع :zx:

بخصوص الألعاب الي ألعبها حاليا


Lost Odyssey

لعبة آر بي جي بمحرك كلاسيكي على جهاز الاكس بوكس ، بصراحة اللعبة هذي أفضل لعبة آر بي جي في الجيل هذا حتى الآن ، قصة اللعبة هو المميز فيها ، أسلوب القتال حلو نفس ألعاب فاينال فانتسي القديمة ، ببساطة لأن اللعبة هذي من نفس المصمم الي صمم ألعاب فاينال فانتسي من جزء الأول و ألين العاشر ، فعشان جي هي تشبه ألعاب فاينال فانتسي على حد كبير ، انصحكم بشدة أنكم تجربونها :biggrin:، تعجبني شخصية البطل كايم أرغونار ، أنا حاليا واصل السي دي الرابع من اللعبة و اللعبة فيها 4 سيديات ، يعني شوي قريب من النهاية.


Dragon ball Z Burst Limit

لعبة قتال مستوحاة من أشهر انمي على وجه الأرض ، لعبة قتال رائعة و تحتوي على شخصيات قوية ، تكلمت عن اللعبة هذي في أحد مواضيعي ، فما يحتاي أتكلم مرة ثانية :zx:


Super Smash Bros Brawl

هذي بصراحة أحلى لعبة قتال بدون منازع و خذت أقوى التقاييم من معظم المواقع ، المميز فيها أن أسلوب القتال فيها جماعي بالاضافة الي الأسلحة الرائعة ، اللعبة فيها كثير من المواقف الحلوة و المضحكة ، أفضل لعبة حق جلسة الشباب الي طول الوقت فيها ضحك :zx:، اللعبة هذي قتالية حق شخصيات الننتندو مع ضيوف شرف للعبة و الي هم سونيك و سنيك :a:، ببساطة هذي اللعبة ما تتفوت حق الي عنده الويي :a:


Metal Gear 4

ببساطة اللعبة هذي أسطورة الأساطير ، أحلى لعبة ها الجيل و الي حصلت على تقييم بيرفيكت من كل المواقع تقريبا ، لعبة تجسس الأولى :a:، القصة اللعبة رووووعة و مؤثرة و أحلى من الأجزاء الماضية بكثير ، الجيم بلاي رائع و الذكاء الاصطناعي للأعداء حلو ، تستاهل تشتري البلاي ستيشن 3 عشانها ، أنا ختمت اللعبة مرتين :a:، و ما عندي مانع أختمه للمرة الثالثة :a:


Ninja Gaiden 2

أحلى لعبة أكشن لعبتها حتى الآن ، اللعبة فيها أسلحة متنوعة و قابلة للتطوير ، ذكاء اصطناعي قوي ، العدو يسوي أي شي عشان يقتلك ، فمثلا اذا قطعت ايده الي فيها السيف يرمي عليك السكاكين بايده الثانية ، و اذا قطعت رجله يزحف صوبك عشان يفجر نفسه عليك ، الحل أنك تقطع راسه و تفك روحك ، اللعبة فيها تقطيع و دموية على كيف كيفك عكس الجزء الأول ، الي يحب النوعية هذي ياخذها بدون تردد.

عندي تعليق على ردك يا بيكا

Ninja Giden : Sigma
بصراحة هاللعبه ما تستحق مديح الناس والمواقع أبداً ، لعبه عادية لأبعد الحدود ~_~
واللي مبيخنها انها صعبة بشكل كبير لو قارنها بـ DMC و GOW
اذا في حد فان لهالعبه في هذا المنتدى خله يخبرني شو اللي عايبنه فيها @@؟
ما بقول انها لعبه مغامرات من الفئة الرخيصة بس اشوفها وايد عادية ، ممكن الجرافيكس عالي الجودة بس الجيم بلاي عادي جداً ، تقريباً وصلت 80% منها ووقفت بحاول اكملها لو فضيت

المهم مافيني اخربط وايد على عمري وما احصل حد يناقشني ، نشوف تفاعلكم ونكمل عن الألعاب اللي انهيتها في الفترة الأخيرة
لووول الله يهديك بس يا بيكا

جيم بلاي عادي جدا ؟؟؟

بالعكس هذي اللعبة صنفت من أفضل الألعاب الأكشن

ما نقدر نقول أن اللعبة الفلانية بايخة عشان صعوبتها

بالنسبة لي هذي ننجا جايدن تهزم ديفل ماي كراي بشكل قوي

الجيم بلاي احترافي أكثر و الذكاء الاصطناعي رائع

لازم تستخدم ذكاءك عشان تهزم الأعداء و تعدي من ضربات الخصم و تصدها

مب نفس الألعاب الثانية مثل ديفل ماي كراي الي العدو يوقف جدامك و أنت تقدر تسوي فيه الي تبيه ، تمشي و تضرب بس ألين آخر اللعبة و مبروك

صعوبتها هي ميزتها مش سلبيتها

بالمناسبة ، جربوا تلعبون الجزء الثاني من اللعبة على الاكس بوكس 360 لأنها أحسن بكثير من الأول

اللعبة صح ممكن تكون صعبة ، لكنها مش بايخة أبدا ، بمعنى أصح ما نقدر نقول اللعبة هذي بايخة لأنها صعبة.

و يعطيك العافية على الموضوع مرة ثانية

لي رجعة عشان أتكلم عن ألعاب ثانية :zx:
 
التعديل الأخير:

Phantom Girl

<font color="#CC0000">»★|| المشـــرفة العامـــة ||
تاماشي
16
وعليكم السلام ورحمة الله وبركاته

ما شاء الله عليكم
بيكا & شدو

انا ما العب غير Metal Gear
وبعدني ما ختمتها ×_×
مو لاقيه وقت XD

بس ان شاء الله قريب اختمها والعب اشياء تانية وارد اخبركم عنها
^^
 

Pika-Chu

<font color="#F26C4E">»•|| مـــــــراقب ||•«</font
تاماشي
0
سوبر شادو ~

Lost Odyssey

لعبة آر بي جي بمحرك كلاسيكي على جهاز الاكس بوكس ، بصراحة اللعبة هذي أفضل لعبة آر بي جي في الجيل هذا حتى الآن ، قصة اللعبة هو المميز فيها ، أسلوب القتال حلو نفس ألعاب فاينال فانتسي القديمة ، ببساطة لأن اللعبة هذي من نفس المصمم الي صمم ألعاب فاينال فانتسي من جزء الأول و ألين العاشر ، فعشان جي هي تشبه ألعاب فاينال فانتسي على حد كبير ، انصحكم بشدة أنكم تجربونها :biggrin:، تعجبني شخصية البطل كايم أرغونار ، أنا حاليا واصل السي دي الرابع من اللعبة و اللعبة فيها 4 سيديات ، يعني شوي قريب من النهاية.
هاللعبه اللي اسمع كل حد يمدحها ولا اقدر العبها @@ ، تخيل عندي في المانيا كل اجهزه الفيديو جيمز إلا الاكس بوكس 360 xD وفي البيت شارين 2 ، شكلي ما بتنظر لين ما ارجع الإمارات و بشتري الثالث xD ، تراني وايد حاط آمال على كلامك ، لو ما عيبتني يا ويلك مني xD

Dragon ball Z Burst Limit

لعبة قتال مستوحاة من أشهر انمي على وجه الأرض ، لعبة قتال رائعة و تحتوي على شخصيات قوية ، تكلمت عن اللعبة هذي في أحد مواضيعي ، فما يحتاي أتكلم مرة ثانية :zx:
شكل اللعبه مش بطاله ، صح اني ما شفت دراجون بول بس كنت باذخها بس بعد ما شفت سعرها جان اهون ، كانت تنباع بـ70 يورو ، اي تقريبا 420 درهم >.>
بعد كم يوم بيسوون عليها sale وبناخذها :zx:

Super Smash Bros Brawl

هذي بصراحة أحلى لعبة قتال بدون منازع و خذت أقوى التقاييم من معظم المواقع ، المميز فيها أن أسلوب القتال فيها جماعي بالاضافة الي الأسلحة الرائعة ، اللعبة فيها كثير من المواقف الحلوة و المضحكة ، أفضل لعبة حق جلسة الشباب الي طول الوقت فيها ضحك :zx:، اللعبة هذي قتالية حق شخصيات الننتندو مع ضيوف شرف للعبة و الي هم سونيك و سنيك :a:، ببساطة هذي اللعبة ما تتفوت حق الي عنده الويي :a:
سماش غنية عن التعريف ، من اروع الالعاب اللي نزلت على الوي اذا ما كانت افضلها ، قبل كانت لعبتي الجماعية المفضلة على الوي اهي ماريو بارتي 8 بس الحين سماش احتلت العرش xD

Metal Gear 4

ببساطة اللعبة هذي أسطورة الأساطير ، أحلى لعبة ها الجيل و الي حصلت على تقييم بيرفيكت من كل المواقع تقريبا ، لعبة تجسس الأولى :a:، القصة اللعبة رووووعة و مؤثرة و أحلى من الأجزاء الماضية بكثير ، الجيم بلاي رائع و الذكاء الاصطناعي للأعداء حلو ، تستاهل تشتري البلاي ستيشن 3 عشانها ، أنا ختمت اللعبة مرتين :a:، و ما عندي مانع أختمه للمرة الثالثة :a:
متل جير ما كنت متحمس لها بس يوم شفت التقاييم تشجعت العبها ، بس في عده عوامل تمنعني واحسها بتخرب متعه اللعب ، اهمها اني ما لعبت الجزء الثالث للحين xD
فبغيت اسالك ، لازم تكون لاعب كل الاجزاء ولا عادي اسوي دروب للجزء الثالث والعبها xD ?

لووول الله يهديك بس يا بيكا

جيم بلاي عادي جدا ؟؟؟

بالعكس هذي اللعبة صنفت من أفضل الألعاب الأكشن

ما نقدر نقول أن اللعبة الفلانية بايخة عشان صعوبتها

بالنسبة لي هذي ننجا جايدن تهزم ديفل ماي كراي بشكل قوي

الجيم بلاي احترافي أكثر و الذكاء الاصطناعي رائع

لازم تستخدم ذكاءك عشان تهزم الأعداء و تعدي من ضربات الخصم و تصدها

مب نفس الألعاب الثانية مثل ديفل ماي كراي الي العدو يوقف جدامك و أنت تقدر تسوي فيه الي تبيه ، تمشي و تضرب بس ألين آخر اللعبة و مبروك

صعوبتها هي ميزتها مش سلبيتها
يوم وصفت الجيم بلاي بالعادي ما كنت اقول انه بايخ ، عادي يعني حاله من حال ديفل ماي كراي والعاب الاكشن الثانيه ومب اقضل عنهم -بالنسبه لي على الاقل - .
وعن سالفة الصعوبة ، اوكي فاهم عليك ، بس تراني ما احب اعيد العب المرحلة او الـBoss كذا مره عسب اغلبه ، احسه ملل @_@
يمكن شي ناس تعتبر الصعوبه ميزة بس انا لأ ، كانو يقدرون يسوون حل سهل وهو انهم يضيفون مستوى الإيزي
وثانكس على المرور شادوو

سينيب هانم ~
الكل متخبل على متل جير ، الفال لي العبها وياكم ،شكلي بسوي طاف للجزء الثالث وبلعبه ، حمستوني xD
وثانكس على المرور سينيب هانم xD
 

V I O L E T

<font color="#CC0000">»★|| المشـــرفة العامـــة ||
تاماشي
0
وعليكم السلام ورحمة الله وبركاته

تسلم بيكا على فتح الموضوع.. يمكن أشوف أسماء ألعاب حلوة عشان اقول حق اخوي يشتريهم حقي XD

من الألعاب اللي لعبتها مؤخراً...

Play Station 2 >>> كح كح غبار X3

Silent Hill : origins
بالنسبة لي تعجبني ألعاب الرعب.. وهاللعبة وحدة من ألعابي المفضلة
لين الحين ما انهيتها.. كل يوم ألعب شوية فيها <<<< ماخذة راحتي XD

Naruto Ultimate Ninja 3
ناروتو وهل يخفى القمر :redface:
هاللعبة وناسة في القتال مع اخواني الصغار XD
باقي لي 3 شخصيات ما قدرت افتحهم >.>"


PSP

Megaman Power-up
نسخة مطورة للعبة ميجا مان اللي كانت على جهاز العائلة - الفاملي
تذكرت أيام أول.. وناسة .. بس لعبة الفاملي كانت أحلى بالنسبة لي D=

Sonic Rivals
هاللعبة مختلفة عن ألعاب سونيك اللي متعودة عليها مغامرات ؟__؟
في هاللعبة لازم تتسابق مع وحدة من شخصيات سونيك ولازم تسبقه عشان تنتقل للمرحلة اللي بعدها
اللعبة حلوة .. والجرافيكس مميز


أشوف وايد ناس يسولفون عن ميتال جير @@ <<<< وحدة ما لعبت أي جزء من أجزاءه XD


فمان الله
 

Super Shadow

»•|| إدارة عامة ||•«<
طاقم الإدارة
تاماشي
21
هاللعبه اللي اسمع كل حد يمدحها ولا اقدر العبها @@ ، تخيل عندي في المانيا كل اجهزه الفيديو جيمز إلا الاكس بوكس 360 xD وفي البيت شارين 2 ، شكلي ما بتنظر لين ما ارجع الإمارات و بشتري الثالث xD ، تراني وايد حاط آمال على كلامك ، لو ما عيبتني يا ويلك مني xD
خخخخخخخخ

قول حق أي حد من الأهل هناك يطرشون الجهاز ألمانيا :zx:

اذا أنت عاشق الآر بي جي الكلاسكي أكيد بتعيبك

شكل اللعبه مش بطاله ، صح اني ما شفت دراجون بول بس كنت باذخها بس بعد ما شفت سعرها جان اهون ، كانت تنباع بـ70 يورو ، اي تقريبا 420 درهم >.>
بعد كم يوم بيسوون عليها sale وبناخذها
بل ليش جي غالي XD

ان شاء الله تعيبك عاد :zx:

سماش غنية عن التعريف ، من اروع الالعاب اللي نزلت على الوي اذا ما كانت افضلها ، قبل كانت لعبتي الجماعية المفضلة على الوي اهي ماريو بارتي 8 بس الحين سماش احتلت العرش xD
يس مافي أحلى من سماش في اللعب الجماعي :zx:

متل جير ما كنت متحمس لها بس يوم شفت التقاييم تشجعت العبها ، بس في عده عوامل تمنعني واحسها بتخرب متعه اللعب ، اهمها اني ما لعبت الجزء الثالث للحين xD
فبغيت اسالك ، لازم تكون لاعب كل الاجزاء ولا عادي اسوي دروب للجزء الثالث والعبها xD ?
يس للأسف

لازم تكون لاعب الثالث و الأجزاء الي قبله بعد

المشكلة هذي اللعبة القوية الوحيدة على الجهاز و مافي غيرها

يوم وصفت الجيم بلاي بالعادي ما كنت اقول انه بايخ ، عادي يعني حاله من حال ديفل ماي كراي والعاب الاكشن الثانيه ومب اقضل عنهم -بالنسبه لي على الاقل - .
وعن سالفة الصعوبة ، اوكي فاهم عليك ، بس تراني ما احب اعيد العب المرحلة او الـBoss كذا مره عسب اغلبه ، احسه ملل @_@
يمكن شي ناس تعتبر الصعوبه ميزة بس انا لأ ، كانو يقدرون يسوون حل سهل وهو انهم يضيفون مستوى الإيزي
وثانكس على المرور شادوو
بيكا

ننجا جايدن هني تعتمد على الاستراتيجية أكثر من الكامبوات عكس ديفل ماي كراي

الأعداء ما يعطونك فرصة للهجوم ، فعشان جي لازم تخدعهم أنك تسوي كونتار حق ضرباتهم أو تتفادى عشان اتي فرصتك لتقطيعهم ، الصد بعد ينفع وقت ما يخلصون من هجتهم اهجم عليهم على طول ، و لاتنسى حركة الشحن هذي سوها بعد ما تقتل أول عدو و تطلع الروح الصفرا منه عشان تشحن ضربتك على طول و اهجم عليهم

و بخصوص ما تحب تعيد المرحلة ، صحيح الصعوبة مرات تخليك ما تكمل اللعبة بس التكرار يعلم الشطار :zx:

اذا تريد تلعب على المستوى الايزي أبشرك أن الجزء الثاني فيه مستوى الايزي :zx:

بس ما بيكون طبعا سهل لدرجة أنت تتصورها :zx:
 

music king

Bronze Phantom
تاماشي
0
السلام عليكم

شكرا ع الموضوع

ميتل جير 4

احلا لعبه لعبتها حتى الأن

نهايتها كووووووووووووووووووووووووول وحزينه بالنسبه لسوليد

لكن للي ما لعب الأجزاء القديمه ما راح بفهم القصه


لوست اوديسي ودي اجربها لكن ما عندي اكس بوكس

الباقي غاسل ايدي منه Xd
 

sonic

فانتومي
تاماشي
0
السلام عليكم ورجمة الله وبركاته

أما أنا الألعاب اللي لعبتها في البلاي ستيشن 2

كثيــــره من أحلاها

ثلاث أجزاء من فاينل فانتسي

ولعبة persona 3

وجزئين من devil may cry

وكل أجزاء نارتو وبليش

الصراحه أنا مدمن ألعاب بلاي ستيشن فتقريبا خلصت

ما يتجاوز عن أكثر من خمسين

وبعد فترة بشتري بلاي ستيشن 3 ويرجع

الإدمان مثل ما كان

وهذا كل شي تسلم عالموضوع

وشكرا
 

S N A K E

<font color="#000000">•فانتـــوم قـــدير•</font>
تاماشي
0
السلام عليكم و رحمة الله و بركاته ^^

والله إنه موضوع محترم و شيق ويني عنه كل هالمدة :zx:

زين إنك ختمته سوبر شادو .. بس ان شاءالله نحصل تفاعل من الأعضاء ^^

يالله نبدي .. بسم الله ^^

آنه بالنسبة لذوقي بالألعاب .. قبل لا آلعب اللعبة أجوف الجرافيكس مالها و الصوت و كل شي .. إذا كان كل شي مضبوط فهاي دليل على إن المصممين تعبانين على اللعبة و بإذن الله راح تكون حلوة <<< مو شرط تكون حلوة :zx:
وطبعاً لازم أجوف تقييمها و القصة عن شنو تدور .. عشان ما آلعب اللعبة و آنظرب فيها :zx:


طبعا أحلى لعبة لعبتها سلسلة metal gear و شي أكيد إني مهووس بها .. لكن صج حزنت يوم دريت إن خلاص الجزء الرابع هو الأخير .. لأني ما شبعت منها :zx:

بالنسبة للألعاب اللي لعبتها وااااايد و باذكر جم وحدة اللي ف بالي و راح آنوع بين الأجهزة اللي لعبت فيها "^^

~ god of war ~

لعبة روعة من ناحية الجرافيكس و التوزيع الصوتي .. و طبعا الجيم بلاي ولا أروع منه .. يعني كل شوي يتطور مع تطور مستوى الأسلحة .. و كل ما تطور مستوى السلاح زاد الحماس :zx:
أما بالنسبة للقصة .. فهي خيالية و تتكلم عن آلهة اليونان أيام قبل و جيي و لكن طبعاً بإضافة حلوة من كتّاب القصة .. ف اللي يلعب راح يحصل شخصيات ذكرها التاريخ بقصص خيالية و تلاقونها باللعبة ^^
اللعبة متعوب على كل أجزائها و القصة منسقة من كل جانب .. فآنصح عشاق ألعاب الأكشن تجربتها على الجهازين .. PS2 و PSP و ناطر الجزء الثالث ينزل بفارغ الصبر :014:

~ kingdom hearts ~

طبعاً ما تخفى هاللعبة عن عشاق ألعاب الآر بي جي .. آنه أول ما لعبتها ظنيت إنها بايخة و وقفت لعبها .. لكن بعد فترة طويلة كملت الألعاب بالسوق و ماكان عندي شي آلعبه غيرها ف قررت إني آعطيها فرصة و أواصل فيها ^^ و الحمدلله ما ندمت على قراري أبداً ^^
بالنسبة للجرافيكس ف ممتاز و ما آعيبه بشي .. خصوصاً الجزء الثاني اللي كان فيه إبداع ^^ و طبعاً الجيم بلاي يتطور مع الوقت ولا يظل على حاله و كل شوي تتطور الأسلحة و يتطور مستوى اللعب وهاي ميزة أخرى ^^
أما بالنسبة للقصة ف رااائعة بكل معنى الكلمة .. أنتو بس فكروا كيف قدروا كتّاب القصة تدخيل شخصيات ديزني على لعبة أكشن آر بي جي !!
للي ما جربها أقول له فاتك الكثير !! و نصيحة جربها و ماراح تندم بإذن الله :014:

~ midnight club 3 ~

هاي من أروع ألعاب السياير اللي لعبتها .. مع ان الجيم بلاي لنيد فور سبيد آجوفه أحلى و جيي .. لكن اللي عجبني في هاي اللعبة السيارات اللي فيه .. أخيرا لعبة تحتوي على الـ american muscle cars !! و التنوع فيه كبير من ناحية السيارات أو تعديل السيارات و مهتمين ف جوانب كثيرة ^^
ناطر الجزء اليديد ينزل بإذن الله في شهر أكتوبر .. و إن شاءالله وبإذنه تكون بالمستوى المطلوب و أحسن :014:
لعشاق السيارات و خصوصا الأمريكي .. عليكم بهاي اللعبة ;)


يالله آنه تعبت من كثر ما آكتب :zx: لي رجعة بإذن الله مرة أخرى ^^

في امان الله :014:
 
التعديل الأخير:

ROXAS

فانتومي
تاماشي
0
انا وصلت kingdom hearts ii

بس مو قادر اكملها لأن المرحلة صعبة هذا وانا حاط متوسط شلون لو صعب
المهم احسن مافي اللعبة القصة والشخصيات كل وحدة في محلها لكن يبقى الطابع الامريكي موجود
 
التعديل الأخير:

S N A K E

<font color="#000000">•فانتـــوم قـــدير•</font>
تاماشي
0
يالله آيم باااك :014:

هذا وانا حاط متوسط شلون لو صعب
تراها والله مو صعبة بس يبي لك تفهم شلون اللعب مو بس تعال و أظرب :zx:

وآكمل الألعاب ^^

~ metal slug ~

هاي طبعا لعبة مون المفضلة اللي دايما تحكي لي عنها و عن مغامرتها فيها :zx: و ما آعتقد في أحد ما يعرف هاي اللعبة "^^ .. لعبة سهلة و بسيطة بكل أجزائها و نلاحظ أن اللعب نفسه بالظبط عدا الجزء السادس اللي نزل فيه (( رالف و كلارك )) <<< شخصيات من لعبة the king of fighters وهنا شوي تطور مستوى اللعب ^^ مثلاً عندك حبات الـ R1 و الـ L1 تقدر تستعملهم !! :zx: وشوي فيها جم بدعو هو إنك تقدر تخزن لك أكثر من سلاح و تبدلهم :zx: بس نايس ^^ عدا إن الماشين قان شوي عدد طلقاته ">.>

واللعبة يسود عليها طابع الأكشن و الكوميديا نوعا ما خخخخخخخ و عشاق الـ 2D أكيد ما بيملون منها لأن كلها عشر دقايق وانت خاتمها :zx:


~ the king of fighters ~

ياسلاااام إن شاءالله بس ينزل جزء للبلاي ستيشن 3 :zx:
أحلى لعبة تحدي لعبتها .. متوسطة الصعوبة كل اللي يبي لك تعرف شلون الحركات و الشبكات و خلاص انت مبدع بإذن الله :zx:
بالنسبة لي أحلى جيم بلاي لكينج اوف فايترز هو 2006 للبلاي ستيشن 2 .. و كل أجزائها عجيبة بس عن نفسي آفضل 2001 ^^ بس قهر مو شي صاير تاكوما فيه :zx:


بس مالي خلق آحط ألعاب زود دوركم أحين P= .. منتظر راي سوبر شادو بالألعاب ^^ و لي رجعة مرة أخرى :kmk:​
 
التعديل الأخير:

MoOoN

<font color="#F7BE81">فانتوم مـشرق</font>
تاماشي
0

هاي طبعا لعبة مون المفضلة اللي دايما تحكي لي عنها و عن مغامرتها فيها :zx:


نصاب ومتنيل بستين نيلة
أنا لازم أدافع عن حقوقي البشرية ، ما أعرف هاللعبة @@
أنا ألعب ميتل جير ، والحاضر يعلم الغايب خخخخخخ
 

ROXAS

فانتومي
تاماشي
0
انا احاول اخلص لعبة Need For Speed
من اللي مايعرف هذي اللعبة الشهيرة بأجزائها الخمسة او الستة
1-NEED FOR SPEED
2-NEED FOR SPEED HUT PURSUIT
3- NEED FOR SPEED UNDER THE BRIDGE
4- NEED FOR SPEED CARBON
5-NEED FOR SPEED PRO STREET
طبعا الجزء الاخير هو الخامس
ماعلينا انا العب الجزء الرابع
متميز في دقة ووضوح الغرافيكس والرسوم اللي تميل الى الواقعية وفيها سيارات واجدحلوة تقدر تحط عليها اضافات واشكال ورسوم وتعدلها واحسن مافي اللعبة انه تقدر تحط فيها نيترو
وتحتوي على امكانية اللعب باثنين
وفي لها شفرات واسرار مثل زيادة السرعة وما الى ذلك وفيها شي جديد بعد تقدر تحط وياك متسابق من طرفك طبعا من السوني نفسه يساعدك مثل يدلك على الاختصارات وكل هذا

وفي بعد اشياء ثانية بس خلاص يكفي
 

Phantom Girl

<font color="#CC0000">»★|| المشـــرفة العامـــة ||
تاماشي
16
Snake
metal slug
أنا ما اعرفها :001_unsure:



Roxas
Need for Speed تعجبني بس على البلاي ستيشن الاول
:laugh:
رغم التطور على 2 & 3 لكن ما عجبتني ×_×
 

sonic

فانتومي
تاماشي
0
انا وصلت kingdom hearts ii

بس مو قادر اكملها لأن المرحلة صعبة هذا وانا حاط متوسط شلون لو صعب
المهم احسن مافي اللعبة القصة والشخصيات كل وحدة في محلها لكن يبقى الطابع الامريكي موجود
مسكين للحين ماختمتها للمعلوميه أنا ختمتها أول مره على الهارد

هاذي اللعبه جميله جدا أكثر شي عجبني فيها إستخدام السيوف

والله عليه البطل حركات في اللعبه

أنا الحين مريح حالي مو قاعد ألعب شي

بس ناوي أعيد وألعب persona 3

لا يقول أحد مايعرفها :erf:

وكمان لعبة سنيك المفضله متيل جير الجزء الثالث



 

Pika-Chu

<font color="#F26C4E">»•|| مـــــــراقب ||•«</font
تاماشي
0
Snake ~

آنه بالنسبة لذوقي بالألعاب .. قبل لا آلعب اللعبة أجوف الجرافيكس مالها و الصوت و كل شي .. إذا كان كل شي مضبوط فهاي دليل على إن المصممين تعبانين على اللعبة و بإذن الله راح تكون حلوة <<< مو شرط تكون حلوة :zx:
وطبعاً لازم أجوف تقييمها و القصة عن شنو تدور .. عشان ما آلعب اللعبة و آنظرب فيها :zx:
أوفقك بنسبه 30% بس <--- خليت شي xD
عن نفسي الجرافيكس أقل شي يهمني ، مثل ما قلت مو شرط تكون حلوه ، والمواقع ما آخذ وايد على كلامهم بعد ، الجيمبلاي اهم شي سواء انك جربته او شفت فيديو له فتقدر تحكم احسن مقاييسك الغريبه :zx:


~ god of war ~

لعبة روعة من ناحية الجرافيكس و التوزيع الصوتي .. و طبعا الجيم بلاي ولا أروع منه .. يعني كل شوي يتطور مع تطور مستوى الأسلحة .. و كل ما تطور مستوى السلاح زاد الحماس :zx:
أما بالنسبة للقصة .. فهي خيالية و تتكلم عن آلهة اليونان أيام قبل و جيي و لكن طبعاً بإضافة حلوة من كتّاب القصة .. ف اللي يلعب راح يحصل شخصيات ذكرها التاريخ بقصص خيالية و تلاقونها باللعبة ^^
اللعبة متعوب على كل أجزائها و القصة منسقة من كل جانب .. فآنصح عشاق ألعاب الأكشن تجربتها على الجهازين .. PS2 و PSP و ناطر الجزء الثالث ينزل بفارغ الصبر :014:
من احلى العاب المغامرات ، لعبت جزء الأول وجوء الـpsp ، في أقرب اجازه بلعب الجزء الثاني ، بس صدق حسافه ما لحقت على اللعبه في وقتها ، اكيد كانت اروع بعد >.>
الجزء الثالث أعلنوا عنه في معرض الـE3 الماضي بس للحين ما شفنا إلا عرض CG قصير ، نبا نشوف الجيمبلاي كيف بيكون ،طبعاً أول مره اتحمس لها لاني كنت قبل مسولها طاف خخ بس صدق من اكثر الالعاب المنتظره على الـps3

~ kingdom hearts ~
طبعاً ما تخفى هاللعبة عن عشاق ألعاب الآر بي جي .. آنه أول ما لعبتها ظنيت إنها بايخة و وقفت لعبها .. لكن بعد فترة طويلة كملت الألعاب بالسوق و ماكان عندي شي آلعبه غيرها ف قررت إني آعطيها فرصة و أواصل فيها ^^ و الحمدلله ما ندمت على قراري أبداً ^^
بالنسبة للجرافيكس ف ممتاز و ما آعيبه بشي .. خصوصاً الجزء الثاني اللي كان فيه إبداع ^^ و طبعاً الجيم بلاي يتطور مع الوقت ولا يظل على حاله و كل شوي تتطور الأسلحة و يتطور مستوى اللعب وهاي ميزة أخرى ^^
أما بالنسبة للقصة ف رااائعة بكل معنى الكلمة .. أنتو بس فكروا كيف قدروا كتّاب القصة تدخيل شخصيات ديزني على لعبة أكشن آر بي جي !!
للي ما جربها أقول له فاتك الكثير !! و نصيحة جربها و ماراح تندم بإذن الله :014:
أنا لعبت الاول وجزء الادفانس وما كنت فان للعبه ، يعني ما اهتم لها وايد وايد ، بس بعد الجزء الثاني صرت اكبر فان لها ، صدق ابدعوا في كل العناصر سواء من قصة وجيمبلاي وساوندتراك وجرافيكس وحتى شخصيات فانيل في هالجزء تحس لهم دور اكثر من الجزء الأول ،الحين بتنزل 3 أجزاء على الـpsp والـNDs والموبايل ، بس ما اتوقع منهم وايد

خبرني شو أحلى مرحلة عندك ؟
أنا وايد مراحل عيبتني بس اكثرهم مرحلة الـUnderworld يوم تتضارب وعقب شوية آورن يساعدك

وعن midnight club 3 و Matel Slug وKing of fighter
فما أحبهم مولية >.>
أول شي قلت زين سنيك ذوقه نفسي واستانست خخخ
والعاب الفايت ما العب غير تكن وسول كاليبور وسوبر سماش اذا تحسبها منهم
وعلى طاري سماش يله سوشي أبي العب وياك اونلاين xD
عطني الفريند كود اذا كنت للحين تلعبها

Sonic
خبرني عن persona 3 ، وايد مدحوها بس ما تفيجت اشتريها حتى xD
لهالدرجه حلوه عشان تختمها مره ثانية xD ?
ياليت تعطينا نبذه عنها

في الفترة الحالية ما العب شي غير
Mario Kart Wii
SSBB
ألعبهم لأني ابي اقضي وقتي في شي خفيف ، لأن دوام + رمضان = تعب وجماعة الإمارات تزيد التعب والهم والغم xD
فمالي نفس العب شي حالياً غير اللي ذكرته
بس بتجهز لـلوست أوديسي في اجازه العيد xD
 
التعديل الأخير:

S N A K E

<font color="#000000">•فانتـــوم قـــدير•</font>
تاماشي
0
~ phantom girl ~

metal slug
أنا ما اعرفها
عيل فاتج 0.05 من عمرج :zx: وناسة اللعبة كل اللي عليج إنج تيودين على زر المربع و تمشين سيدة و كان الله غفوراً رحيما ^^


~ pika-chu ~

أوفقك بنسبه 99.9% بس <--- خليت شي xD
من قدي بيكا وافقني :zx: <<< حتى في الإقتباس آجذب :zx:

من احلى العاب المغامرات
أي والله صدقت فيها .. و إلعب الجزء الثاني و شوف شلون بعد بتحبها زود ^^ .. محترمة بكل معنى الكلمة ^^

الجزء الثالث أعلنوا عنه في معرض الـE3 الماضي بس للحين ما شفنا إلا عرض CG قصير
ماجفنا منهم إلا عاصفة و شجرة على ما آعتقد :zx: حتى كريتوس ما شفناه غير ثانية مادري ثانيتين :zx:
يالله ان شاءالله تنزل جريب و ما يذلونا عليها "^^

الحين بتنزل 3 أجزاء على الـpsp والـNDs والموبايل ، بس ما اتوقع منهم وايد
يب يب حتى آنه آقول جيي لأن تقريباً القصة فرعية و ماراح تلعب بسورا ">.>

خبرني شو أحلى مرحلة عندك ؟
آنه بالنسبة لي تقريباً كل العوالم أحبها إلا عالم حورية البحر :zx: .. لكن في عالم عجبني هو عالم بايرتس اوف ذا كاريبيان ^^ .. أول عالم آحس إن فيه ناس يساعدوني مو يدورون و يستهبلون :zx:

فما أحبهم مولية >.>
أول شي قلت زين سنيك ذوقه نفسي واستانست خخخ
بس خلاص آسحب كلامي .. الكلام اللي قلته قبل جذب :zx:
خخخخخخخخ لالا اتغشمر .. حياك الميلس ويانا مع سراب و جوف شلون بتحب كينج اوف فايترز ^^

والعاب الفايت ما العب غير تكن وسول كاليبور وسوبر سماش اذا تحسبها منهم
تكن يعني حليوة لاباس فيها بس ما تطرب للعب مع الشباب .. أما سول كاليبر ما جربتها ليحين بس وايد ناس يمدحونها لي .. كلمني عنها شلون اللعب صاير :014:

وعلى طاري سماش يله سوشي أبي العب وياك اونلاين xD
عطني الفريند كود اذا كنت للحين تلعبها
ومن قال إني ألعبها خير شر :zx: جربتها مرة ف بيت واحد من الشباب و كلش ما عجبتني ">.> اللعب كنت آحسه معفوس .. بس مادري وين قريت إن سنيك حاطينه وياهم :zx:


أي صح إذا لعبت ديفل ماي كراي 4 قول لي عنه .. ياخي منقهر إن البطل مغيرينه و حاطين لك واحد جنه مطو :zx: ابي اعرف تلعب بعدين بدانتي ؟؟ ">.>


مشكور ع الرد بيكا ^^

تحياتي ^^
 

sonic

فانتومي
تاماشي
0
Sonic
خبرني عن persona 3 ، وايد مدحوها بس ما تفيجت اشتريها حتى xD
لهالدرجه حلوه عشان تختمها مره ثانية xD ?
ياليت تعطينا نبذه عنها


ولا تزعل الحين بعطيك كم معلومه عنها
^^"



اللعبه مو للقتال فقط الحلو فيها أنك فيها تعيش

حياة طالب في الثانويه يعني في تعرف على أصدقاء

وإمتحانات ودخول في جماعه مثل جماعه السباحه ورحلات مدرسيه وغيرها

ويكون مكان السكن في فندق لا يوجد فيه إلا اللي يملكوا

وحوش البرسونا

ا


نقدم لك بطل اللعبه وهذي الشخصيه اللي راح تلعب فيها

وطبعا هذي الشخصيه الوحيده اللي ما لها إسم في اللعبه

يعني إسمه الحقيقي ماعرفه



هذي صوره لداخل المدرسه

طبعا الصوره في اللعب أحلى راح تكون ^^



تبدى المغامره في اللعبه في نصف اليل

يتغير شكل المدرسه نهائيا

ويدخلوا فيها وتسير كل فتره تصعد درج ولما تخلص

يعطيك رئيس لتقاتله مع بوابه مقفله

البوابات كثار مايتم فتحهم إلا لما تسوي مهمات

والمهمات ماتكون إلا كل شهر أو إثنين

ولما تنتهي من كل البوابات وتصل للقمه يومها تباري الزعيم

http://www.youtube.com/watch?v=Drs140-CIf8






في هذا المكان تقدر تدمج وحوش البرسونا

أو تشتري منه



وفي بعض الأحيان يعطونك مجموعه من الأوراق لما تفوز بقتال

الزرقاء للطاقه

الحمراء تأخذ منها أسحله

والصفراء للنقود

والصوره إذا إخترتها تحصل على وحش برسونا

وفي خضراء بس مو حاطينها هذي اللي أنصحك بأخذها



وهذي نبذه عن اللعبه

إذا تبي معلومات أكثر فأنا جاهز
^^"
 
التعديل الأخير:

sonic

فانتومي
تاماشي
0
أي صح إذا لعبت ديفل ماي كراي 4 قول لي عنه .. ياخي منقهر إن البطل مغيرينه و حاطين لك واحد جنه مطو :zx: ابي اعرف تلعب بعدين بدانتي ؟؟ ">.>
معلومه سنيك اللي تلعب فيه

يبقى إبن دانتي يعني مستحيل تلعب في دانتي ^^" >> محطم معنويات
 

الأعضاء الذين قاموا بالقراءة (المجموع:0)

أعلى